Emakumeetan

Zer zaindu behar dute emakumeek?

Bularreko minbizia da minbizirik usuenetako bat emakumeetan. 12 emakumetatik 1ek, gutxi gorabehera, jasango du gaixotasun hau bere bizitzan zehar, baina maiztasunik gehiena 40 urtetik aurrera agertzen da.

Intzidentzia txikiagoarekin baldin bada ere, minbizi ginekologikoak ere esanguratsuak dira.

Emakumeek ere badute, gizonezkoen maila bertsuan, aparatu digestiboko minbiziak edukitzeko arriskua, hau izanik bigarren lokalizaziorik usuena. Hiru kasu horietan, ordea, azterketa periodiko erraz eta sinple bat sarritan nahikoa da gaitza garaiz detektatzeko, eta ondoren tratamenduari ekinez sendaketa-mailarik handiena lortu ahal izateko.

Tumoreen intzidentziari buruzko datu estatistikoei eta arrisku-faktoreei begiratzen badiegu, behar-beharrezkoa iruditzen zaigu Prebentzio Onkologikoko Azterketa Emakumeentzat, ondorengo atal edo sailekin:

1. BULARREKO AZTERKETA Bularreko Minbiziaren diagnostiko goiztiarrerako, ondorengo azterketak egingo dira: a) Azterketa klinikoa: - Inspekzioa. - Palpazioa (edo ukipena). b) Egokitzat jotzen diren azterketa osagarriak: - Azterketa erradiologikoak:     Mamografiak .     Bularreko Ekografia. - Bestelakoak:     Ziztada eta diagnostiko zitologikoa.

2. AZTERKETA GINEKOLOGIKOA:

Berrikuspen edo miaketa hauen helburua fase preklinikoan legokeen minbizi genital posible bat detektatzea da emakumearengan, alegia oraindik inolako sintomatologiarik eman ez duen minbizi bat. Ondorengo azterketak sartzen dira bere barruan:

a) Azterketa ginekologikoa:

- Inspekzioa.
- Miaketa bimanuala (esku biak erabiliz egindakoa).
- Zitologia, hartualdi hirukoitzekoa (Papanicolaou).
- Kolposkopia.
- Egokitzat jotzen diren beste azterketa osagarri batzuk.

b) Tokatuz gero eta aurreko azterketen emaitzen arabera:

- Umetoki-lepoko biopsia.
- Endometrioko biopsia (aspirazioa edo mikrolegratua).

3. EGINKARIETAKO ODOL EZKUTUA DETEKTATZEKO TESTA.

4. EGINDAKO AZTERKETA GUZTIEN TXOSTENA.

5. AHOLKU ETA GOMENDIOAK, AURKIKUNTZA KLINIKOEN ETA EMAITZEN ARABERA.