Zientzialarien eta medikuen arteko batzordea sortzea begiesten du akordioak. Bertan elkartuko dira, Inbiomed Fundazioak zelula amen biologian duen esperientzia zientifikoa, batetik, eta Institutu Onkologikoak minbiziaren ikerketan eta tratamenduan duen ezagutza, bestetik. Ikerketak datu zehatzak lortuko ditu, bai genetikoak bai proteinei buruzkoak ere. Datu horien bidez erregulazio-akatsen arduradunak diren mekanismo molekularrei buruzko arrastoak ematen saiatuko dira, akats horiek sortzen dute-eta bularreko minbizia. Sortzen den ezagutzak etorkizuneko jomuga terapeutikoak jarriko ditu, gaur egungoak baino zehatzagoak, gaixotasun hau tratatzeko.

Kutxaren Gizarte Ekintzak finantzatzen du partzialki proiektu hau. Horrela, datozen bost urteetan milioi erdi euro emango ditu proiektua egiteko.