Diziplina anitzeko unitatea da, eta bertan aztertzen dira gure Ospitalera iristen diren minbizi ginekologikoaren kasu berri guztiak. Astero bilera bat egiten da unitatean, eta bilera horretan planifikatzen da kasu bakoitzerako egokiena izan daitekeen estrategia diagnostiko eta terapeutikoa.

Era berean, espezialitate desberdinetako kontsultak ahalik eta gehien bizkortzen dira. Horren ondorioz, paziente bakoitza aztertzeko behar den denbora eta baita operazio-aurrea ere 10-15 eguneko epean osatzea lortzen da, hortik abiatuz, egin beharreko tratamendu kirurgikoak, kimioterapikoak, erradioterapikoak, etab. ahalik eta modurik bizkorrenean planifikatu ahal izateko.

Bestalde, unitate hau da bigarren iritziko kontsultatik datozen minbizi ginekologikoaren kasu guztiak aztertu eta horien txostena egiteaz arduratzen dena.

Bertan protokolo terapeutikoa aldian behin berrikusi eta eguneratzen da, berrikuspen bibliografikoak erakusten dira eta etxe-barruko ekimenetik edota beste erakunde batzuen proposamenez egindako ikerketa-proiektuak eztabaidatu, landu eta erabakitzen dira.