GONGOIL ZELARIAREN TEKNIKA

Linfogammagrafiak melanomen drenaje linfatikoa egiteko oso erabilgarria dela frogatu du. Eta linfadenektomiaren erikortasuna murrizteko asmoarekin, Gongoil Zelariaren kontzeptua garatu da.

Gongoil Zelaria esaten zaio tumore baten drenajeko bide linfatikoan aurrenekoa kokatzen denari.

Eta zera onartzen da, gongoil zelaria libre baldin badago, ondorengoak ere horrelaxe egongo direla, eta beraz bide linfatikoaren gain egindako ondorengo interbentzioak alferrikakotzat jotzen dira

Medikuntza Nuklearreko Zerbitzuan:

Tc99M-rekin markatutako koloide-dosi bat ematen da, tumore-inguruko hainbat injekziotan.

Gammakamera batekin erradiokoloidearen emigrazioa behatu eta kontrolatzen da, lehenengo gongoila (edo gongoilak) agertu artean. Bat baino gehiago agertuz gero, gehien kaptatu edo atzitzen duena aukeratzen da.
Azaleko marken bitartez lokalizatzen da.

Kirofanoan:

Zorro esteril baten barruan bildua dagoen detektore eramangarri baten bidez biopsiako ebakian zein gongoilek erakusten duen jarduerarik gehien erabakitzen da, eta gongoil hori erauzi egiten da, bera jotzen baita gongoil zelari bezala.

Anatomia Patologikoko Zerbitzuan:

1.- Harrera:

1.1.- Erauzitako ehuna berehala bidali beharko da Anatomia Patologikoko Zerbitzura, freskotan, operazio-barneko azterketa bat edota finkapenaren aurreko manipulazio bat egin nahi bada, gongoil zelaria dela argi eta garbi adieraziz.

1.2.- Ehuna zuzenean formolean sartu ahal izango da, batere ebaki gabe, eta gutxienez ere 24 orduko finkapena egingo da, ondoren prozesatzeari ekiteko. Kasu honetan ere gongoil zelaria dela argi eta garbi adieraziko da enbasean.

2.- Makroskopikoa:

2.1.- Gongoila edo gongoilak identifikatu egin beharko dira, beren gehienezko diametroa apuntatuz.

2.2.- Ebakidurak egingo dira 2 mm-tik behin, eta oso-osorik inkludituko dira.

3.- Prozesamendu teknikoa:

3.1.- Ebakidurak egingo dira 6 xafla mehe-meherekin, 3 aurrenekoak ondoz ondokoak, laugarrena 100 mikrara, bosgarrena ondoz ondo berriro ere eta seigarrena 200 mikrara.

3.2.- Tindatu egingo dira, ondorengo sekuentziari jarraituz: 1. HErekin, 2. HMB-45ekin, 3. S-100ekin, 4. HErekin, 5. HMB-45ekin, 6. HErekin.

4.- Mikroskopikoa:

4.1.- Emaitza positibo edo negatibo bezala definituko . 4.2.- IHrekin positiboa izanez gero, zelula-taldea ea 10 zelula baino gutxiagok osatzen duten baloratuko da ("zelula tumoral ezkutuak") edota 10 zelula baino gehiagok bestela ("kolonia tumoral ezkutuak"). 4.3.- Edozein zalantza edo arazo gertatuz gero, gainerako gongoil-ehuna ebaki ahal izango da.